Fituesi i zgjedhjeve të pjesshme të 24 shtatorit, socialisti Albert Halilaj mori këtë të hënë zyrtarisht drejtimin e bashkisë së Kukësit në 4 vitet e ardhshme. Në fjalën e tij pas betimit, Halilaj tha se në 4 vitet e ardhshme do të bëjmë më shumë për zhvillimin e Kukësit ku çdo problem i qytetarëve do të marre zgjidhje për të bërë bashkë Kukësin që qytetarët duan.
“Privilegj dhe përgjegjësie që për 4 vitet e ardhshme t’i ofrojmë kuksianëve shërbim cilësor, të drejtë dhe të barabartë”, tha ai. Ceremonia e betimit u bë me pjesëmarrjen e drejtuesit politik i PS-së për qarkun e Kukësit, Pandeli Majko dhe Blendi Klosit, Sekretar Organizativ i PS.
Albert Halilaj mori 13025 vota, ndërsa Emri Vata, kandidati i koalicionit “Bashkë Fitojmë” 7431 vota, me një pjesëmarrje prej 45.63%. Kandidati i PS siguroi fitoren e 24 shtatorit me diferencë prej 5594 votash, ndërsa Partia Demokratike zyrtare zgjodhi që të mos dalë me kandidat.