Ministri i Jashtëm i Iranit, Hossein Amirabdollahian, paralajmëroi se mundësia e përhapjes së luftës midis Izraelit dhe Hamasit në fronte të tjera “po i afrohet fazës së pashmangshme”.
Në një deklaratë të postuar në Platformën X, ai tha se “koha për zgjidhje politike po mbaron” dhe akuzoi Izraelin për “krime dhe vrasje në Gaza”.
Postimi i tij:
“Kam diskutuar me homologët e mi nga Malajzia, Pakistani dhe Tunizia. Ata theksuan nevojën për ndalimin e menjëhershëm të krimeve dhe vrasjeve sioniste në Gaza dhe dërgimin e ndihmave humanitare. Theksova se koha e zgjidhjeve politike po ikën, përhapja e mundshme e luftës në fronte të tjera po i afrohet fazës së pashmangshme”.