26-vjeçarja shqiptare Heidi Baci ka ndërprerë konkurrimin në “Grande Fratello”, pas takimit me të atin gjatë spektaklit.
Babai i saj ishte kundër afrimitetit të së bijës me Massimiliano, një tjetër konkurent. Për këtë arsye, i kërkoi asaj të kthehej në shtëpi.
“Mami është e sëmurë, ai është plak dhe të keqtrajton. Eja me mua. Unë nuk të njoh më dhe nuk të shoh më siç ishe më parë. Ti më dukesh si një person tjetër. Nuk ke mundur të krijosh një mur me një person që të vuri nën presion. Nëna nuk të ka parë më që nga ai moment. Nuk lejoj njeri të sillet keq me vajzën time dhe ti e di. Nuk lejoj njeri të shkelë dinjitetin tënd. I kam premtuar mamit se do të çoj në shtëpi sonte sepse ti nuk mund ta nënvlerësosh gjendjen e saj shëndetësore”, tha Genti, babai i Heidit.
Pas këtij momenti Heidi la shtëpinë, duke i thënë produksionit se e kishte marrë këtë vendim për arsye personale.