Ish-drejtori i CIA-s dhe gjeneral i pensionuar i ushtrisë amerikane, David Petraeus e konsideron vizitën e Joe Bidenit në Izrael tregues serioz të konfliktit.
“Shkuarja e Bidenit në Izrael tregon sesa e rëndësishme është për presidencën, SHBA dhe aleatët tanë në mbarë botën”, tha Petraeus në një intervistë për BBC.
Gjenerali amerikan theksoi se zyrtarët gjithashtu po përcjellin me vëmendje sesi po veprojnë vendet e tjera, e në veçanti Irani.
“Jo domosdoshmërisht atë që ata bëjnë drejtpërdrejt, edhe pse kjo nuk mund të përjashtohet, por ajo që ata bëjnë përmes aleatëve të tyre, përmes militantëve që mbështesin në Irak, Siri dhe Liban”, shtoi Petraeus.
“Ekziston rreziku i madh, ka shumë potencial për sfida të mëtejshme nëse lufta bëhet rajonale”, tha ai.