Kreu i PBDNJ, Vangjel Dule i ftuar në emisonin “Ora e Betit” u shpreh se çështja Beleri nuk është një çështje mes Greqisë e Shqipërisë, por është një çështje e Shqipërisë me vetveten.
“Rama jeton ilzuzionin që do ketë gjithmonë atë trajtimin dashamirës dhe pozitiv në një kohë që është duke punuar sistematikisht kundër disa vlerave të cilat përbëjnë sistemin e meritës për integrim në BE.
Dhe këtu kaloj tek rasti Beleri. Meritë do thotë të plotësosh kriteret e Kopenhagenit. Çështja Beleri së pari nuk është cështjë mes Shqipërisë dhe Greqisë. Është cështje e Shqipërisë me vetveten. Greqi e trajton plotësisht ashtu. Ju e dëgjuat Mitsotakis që tha se nuk do ndërhyj në punët e drejtësisë të Shqipërisë.
Në cilin vend anëtar të BE apo në vende kandidate për në BE, kemi arrestimin e një kandidati dhe tashëm kryetar i zgjedhur 48 ora para zhvillimit të zgjedhjeve, pa asnjë fakt”, tha ndër të tjera Dule.