Një 67-vjeçare shqiptare e identifikuar si Vilajete Sharka ka humbur jetën në një aksidenti automobilistik mbrëmjen e së enjtes në Santa Croce Camerina të Sicilisë.
Mediat italiane, raportojnë se në aksident u përfshinë një makinë Toyota Yaris, në të cilën po udhëtonte shqiptarja së bashku me një “Fiat”.
Dinamika e aksidentit ende nuk është zbardhur ndërsa raportohet se të plagosur kanë mbetur edhe tre persona të tjerë mes tyre edhe vajza e viktimës.