Kryeministri Edi Rama, e ka nisur me batuta fjalën nga Teatri i Universitetit të Arteve i cili u hap për publikun pas restaurimit.
Kreu i qeverisë u shpreh se u ul në karrige, pasi “mu duke vetja shumë i vjetër, kur tha Kastrioti ‘ishin 3 dy kanë ikur, 1 ka mbetur’.”
Ndërsa shtoi se po përfiton nga koha që ka mbetur që të mos rrijë në këmbë.
“Nuk do të marr fare kohë sepse u takon të tjerëve të flasin më shumë, plus që jam i bindur që s’ju ka marrë malli. U ula sepse mu duke vetja shumë i vjetër, kur tha Kastrioti “ishin 3 dy kanë ikur, 1 ka mbetur”. Po përfitoj nga koha që ka mbetur që të mos rri në këmbë.
Sot kemi përmbyllur një amanet dhe për hir të vërtetës kjo punë jo shumë e lehtë që është bërë këtu, nuk është sallë e re dhe as e vjetër, por është një monument kulture.
Është në një kuptim të drejtpërdrejtë amaneti i historisë së kësaj salle, por i parë pak më ndryshe jo si një histori që ka përfunduar që ka përfunduar, por që vazhdon, jo histori emrash por hapësire që ka qenë qysh në krye të herës, e pasionit, ëndrrave dhe dëshirave të patregueshme për nga forca e tyre, e takimeve mes atyre që e zotëronin skenën dhe atyre që ëndërronin ta zotëronin”, tha Edi Rama.