Eurodeputeti Tonino Picula, ka paralajmëruar Serbinë për ekstradimin e Milan Radoiçiç. Ai përpiloi tekstin e Rezolutës së miratuar nga Parlamenti Evropian për ngjarjen e Banjskës.
“Nëse Milan Radoiçiç nuk ekstradohet në Prishtinë, kjo do të komplikojë marrëdhëniet tashmë të vështira ndërmjet Serbisë dhe Kosovës dhe reagimet e mundshme të bashkësisë ndërkombëtare mund të rezultojnë në veprime edhe më të rrepta politike dhe diplomatike ndaj Serbisë”, u shpreh eurodeptueti.
Për të Rusia është përpjekur vazhdimisht të destabilizojë Ballkanin Perëndimor. “Edhe pse ende nuk ka informacione të padiskutueshme për përfshirjen e Rusisë në sulmin në Banjskë, shumë janë të shqetësuar për marrëdhëniet gjithnjë e më të tensionuara gjeopolitike që po shpërthejnë në të gjithë rajonin”, u shpreh ai.