Mëngjesin e kësaj të mërkure, IKMT ka zbarkuar në zonën e Shirokës. Një aksion i paralajmëruar nga Inspektoriati ka nisur ditën e sotme me shembjen e një objekti në afërsi të qendrës së Shirokës, buzë liqenit të Shkodrës.
I gjithë objekti është rrethuar nga forca të shumta të policisë së Shkodrës. Sipas të dhënave, ky objekt do shembet plotësisht pasi pronarët nuk disponojnë dokumentacionin me leje për ndërtim.
Ky është objekti më i madh që shembet në IKMT, në këtë zonë ndërkohë që pak ditë më parë është shembur edhe një tjetër në afërsi të Zogajve.