Kryeministri Edi Rama publikur në Facebook, një video magjike nga Kalaja e Gjirokastrës e cila e rrethuar mes mjegullës ngjan si një anije në lundrim. Gjirokastra ka shënuar këtë vit numrin më të lartë të turistëve vendas e të huaj që e zgjodhën si një ndër destinacionet e preferuara.
Kjo është një ndër kalatë më të mëdha në Ballkan. Si një anije e madhe prej guri, ajo shtrihet në një hapësirë prej 335 metra dhe ndodhet në kodër nga ku shihet gjithë qyteti, si për të dëshmuar historinë e gjithë rajonit në shekuj.
Sipas të dhënave, mbi 200 mijë turistë kanë vizituar përgjatë këtij sezoni turistik Gjirokastrën dhe rrethinat, duke regjistruar ndër shifrat më të larta në vite.
Të huajt kanë zënë mbi 80% të vizitorëve të këtij viti në Gjirokastër, nga Italia, Spanja, Greqia, Gjermania, vendet Skandinave, nga Evropa Perëndimore dhe Lindore, nga SHBA-ja, Brazili, Argjentina, Kina, Australia, etj, etj.