Miliarderi Elon Musk ka vënë në dispozicion staelitët e tij për t’i ardhur në ndihmë popullsisë civile në Gaza.
Musk tha këtë të shtunë se satelitët Starlink të SpaceX do të mbështesin lidhjet e komunikimit në Gaza me “organizatat e njohura ndërkombëtare të ndihmës”.
Miliarderi ka qenë nën kritika gjatë javëve të fundit, me BE-në që e paralajmëroi atë të godasë përhapjen e dezinformatave rreth konfliktit të shpërndara në platformën e tij të mediave sociale X (ish Twitter).
Duke iu përgjigjur një përdoruesi në X, i cili kërkoi ndihmën e Starlink për furnizimin e Gazës me mbulim interneti, Musk tha se do të mbështeste OKB-në dhe grupe të tjera ndihme të njohura ndërkombëtarisht.
“Asnjë terminal nga Gaza nuk është përpjekur të komunikojë me ne” shtoi ai në një postim të veçantë.