Kourtney Kardashian Barker nuk kërkoi larg për frymëzim për pamjen e saj të Halloween këtë vit. Në mes dramës se kush kopjon kë me Kim Kardashian, ajo zgjodhi të risillte një look të kësaj të fundit të para 10 viteve.
Bëhet fjalë për fustanin me lule që Kim Kardashian veshi në Met Gala-n e saj të parë në vitin 2013, kur ishte shtatzënë me fëmijën e saj të parë, North West, tani 10 vjeç. Kourtney e çoi deri në fund këtë duke stiluar edhe flokët dhe make-up-in njësoj si Kim.
Kjo paraqitje e Kim asokohe u kthye në një meme, me njerëzit që e krahasonin me gjithçka, nga personazhi i Robin Williams “Mrs Doubtfire” deri te një mbulesë divani.
Nëse po pyesni se si reagoi Kim për këtë risjellje të Kourtney-t, ajo e ka duartrokitur duke e ripostuar në Instastory-n e saj.
