Një konflikt mes disa personave ka ndodhur këtë të diel në Durrës. Ngjarja është shënuar në zonën e Kepit të Rodonit, dhe situata ka eskaluar për shkak të çështjes së pronave.
Mësohet se një person, cili raportohet të ketë një pronë pranë parkut, është konfliktuar me rojen e ambientit.
E gjitha mendohet të ketë nisur për shkak të një pjese toke, për të cilën kanë certifikatë pronësie Kisha Françeskane dhe familja Kaçuli. Konflikti ka shkuar deri në përplasje fizike mes dy personave, ku më pas shtetas të tjerë i kanë ardhur në ndihmë rojes së parkut.
Bëhet e ditur se janë përdorur edhe armë, ndërsa mësohet se janë shoqëruar në polici personat e përfshirë në këtë konflikt.