Opozita ka prezantuar sot platformën për zgjedhje të lira dhe detyrat e qeverisë tranzitore. Sipas kreut të Partisë Demokratike Lulzim Basha kryeministri tranzitor dhe ministrat do të jenë jashtë konflikteve të interesit.
Kryefjalë e kësaj qeveri tranzitore është vullneti politik për Bashën, dhe nuk kërkon ndryshime ligjore.
Lexo edhe- E PLOTE/ Platforma e opozitës për zgjedhje të lira dhe detyrat e qeverisë tranzitore
“Nuk kërkon ndryshim ligjor po vetëm vullnet politik që kryeministri i qeverisë tranzitore dhe ministrat e tij të jenë jashtë konfliktit të interesit. Sot nuk mbyllim po hapim këtë diskutim me ju, natyrisht dhe brenda radhëve tona, partive tona në koalicionin e bashkuar opozitar, presim që ky aspekt i rëndësishëm i transformimit, qeveria tranzitore jashtë konfliktit të interesit si parakusht për garantimin e procesit zgedhor, pasurohet përmes këtij angazhimi debati sot e në ditët në javët në vijim, me qëllim që këto detyra të përkthehen në instrumenta dhe procese të qarta institucionale dhe ligjore gati për tu zbatuar nga një qeveri tranzitore, me një kryeministër tranzitor me vullnet dhe mbëshetje politike për të garantuar një proces të lirë e të ndershëm zgjedhor”, tha Basha.
Ai shtoi se zgjedhje me Edi Ramën kryeministër nuk do të ketë, por dhe zgjedhje pa opozitën gjithashtu nuk do të ketë. “Kemi ndërmarrë një hap sot pasi e kemi bërë të qartë se zgjedhje me Edi Ramën kryeministër nuk do të ketë. Zgjedhje pa opozitën nuk do të ketë, është kontradiksion termash. Zgjedhjet pa opozitën janë farsë, një tentativë e dështuar. Ne nuk do lejojmë që krimi të bëjë më zgjedhje në Shqipëri. Zgjedhje do të mbahen pasi të ndëshkohen hajdutët e votave të vitit 2017. Prandaj largimi i tij i hap rrugë zgjidhjes politike që kemi kërkuar ne, opozita e bashkuar dhe legjitime e Shqipërisë për të hapur dialogun me PS për qeverië tranzitore për masat që duhen marrë për të krijuar kushte për zgjedhje të lira e të ndershme. Vetëm ato do i kthejnë legjitimietin qeverisë në kushtet kurrë gjykata kushtetuese dhe e lartë nuk ekziston”, tha Basha.