Është arrestuar në Fushë-Krujë Elmir Tufa, një nga 4 të akuzuarit për vrasjen e Shkëlzen Kastratit dy vite më parë.
Kastrati u ekzekutua në qytetin e Fierit më 1 shkurt 2021 në mënyrë mafioze me dy plumba, në një kohë kur vendi në të cilin u vra ishte tepër i populluar.
Dyshimet janë se ky shtetas ka qenë në përgjim nga autorët, të cilët e kanë ndjekur hap pas hapi.
Tufa bashkëpunoi edhe me tre persona të tjerë. Albert Zaja u arrestua në mars të 2021-shit në fshatin Larushk të Krujës, ndërsa ende në kërkim janë Elson Xhecuka, 29 vjeç, banues në Kamëz dhe Silvio alias Roland Cara 41 vjeç, banues në Tiranë.