Vendi ynë sot dhe gjatë dy ditëve të ardhshme do të përfshihet nga reshje me intensitet të lartë. Përveç situatës kaotike në rrugët e vendit duket se probleme vijnë dhe nga transporti detar.
Mësohet se është bllokuar në det të hapur trageti “Claudia”, i nisur nga Ancona për në Durrës. Pasagjerët bëjnë me dije se është e pamundur ankorimi i anijes. “Jemi 4 ore duke u rrotulluar në det”, thonë pasagjerët.
Agjencia Kombëtare e Mbrojtjes Civile i bëri apel sot të gjithë bashkive të mobilizojnë strukturat operacionale dhe të mbajnë në gatishmëri mjetet për t’ju ardhur në ndihmë qytetarëve në raste nevoje.