Deputetët e PD-së së Rithemelimit, pas tensioneve jashtë Kryesisë së Kuvendit me Gardën, kanë arritur që përmes dritareve të futën brenda.
Ata i janë drejtuar Komisionit të Ligjeve, ku nuk kanë lejuar punimet. Drejtuesja e këtij komisioni, deputetja e PS-së Klotilda Bushka ka njoftuar ndërprerje të punimeve, duke u shprehur se nuk mund të zhvillohet në këtë mënyrë.
Ajo deklaroi se deputetët do të njoftohen për mbledhjen e radhës. Kujtojmë që seanca e sotme nisi me debate dhe tensione, pasi Garda nuk ka lejuar që deputetë e opozitës të futen brenda. Opozita kishte njoftuar edhe një mbledhje të grupit parlamentar, por për shkak të këtyre tensioneve nuk është zhvilluar.