Ish-kryeministri Sali Berisha në bashkëbisedim me të rinjtë e FRPD u shpreh se shpresa e vetme për vendin është PD.
Ai ndau mesazhin se nëse të rinjtë sot marrin vendimin që morën studentët e ’90-ës, atëherë i pari që do t’ia mbathë nga Shqipëria është kryeministri Edi Rama.
“Shpresa është PD. I mohoi të drejtat kushtetuese në Parlament, të drejtën e hartimit të ligjeve dhe diskutimit në Komisionet Parlamentare, i mohoi të drejtën për të pasur përfaqësuesin që do vetë. PD vazhdon betejën e vetë. Përmbysja e kësaj diktature është në duart tuaja. Një parti e tërë është sot në këmbë. Ai shesh kur të duan mbushet me mijëra e qindra, diktaturën e përmbysni vetëm ju. 30 vite më parë një gjeneratë shpëtoi Shqipërinë nga diktatura komuniste, sot gjenerata juaj do të shpëtojë Shqipërinë. Momentin e parë që ju të merrni vendimin që morën studentët e viteve ’90 është Edi Rama, i pari që do t’ia mbath nga Shqipëria, në Dubai apo ku të dojë.”, tha Berisha.