Një 3-vjeçare dyshohet se është dhunuar nga edukatorja në kopshtin privat “Stinët” në Tiranë.
Disa qytetarë janë mbledhur pasditen e sotme para ambienteve të institucionet privat, teksa kërkojnë zbardhjen e rastit dhe ndërmarrjen e masave më të rrepta ndaj edukatoreve.
“Për këdo fëmijë, është rast shokues. Fëmijën tim e çoj në kopsht shtetëror fëmijën tim, të ky kopsht ka pasur denoncime dhe më parë. Kopshtet duhet të monitorohen me kamera që shihet gjithçka çfarë ndodh. Duhet të bëhen kontrolle në kopshte dhe duhet të merren masa më të rrepta. Nuk dihet se çfarë do të bëja nëse diçka do t’u ndodhte fëmijëve të mi”, tha një nënë.
“Po të isha në vendin e prindërve, do reagoja shumë keq. Është diçka që nuk tolerohet. Ka njerëz që i rrisin në vështirësi. Kam dëgjuar dhe më parë raste dhune në kopshte, u bëjnë shantazhe e presione psikologjike. Fëmijët e mi janë në kopsht shtetëror”, u shpreh një tjetër.