Ushtria izraelite po vijon sulmet në Gaza. Departamenti Amerikan i Shtetit tha se më shumë se 400 qytetarë amerikanë janë larguar tani nga Gaza përmes kalimit Rafah në Egjipt.
Më shumë se 10,300 njerëz janë vrarë në Gaza, sipas ministrisë së Shëndetësisë të drejtuar nga Hamasi, duke përfshirë më shumë se 4,100 fëmijë. Në Izrael, 1400 njerëz u vranë dhe më shumë se 200 njerëz janë marrë peng.
Organizata Botërore e Shëndetësisë tha se “niveli i vdekjes dhe vuajtjes” në konfliktin Izrael-Gaza ishte “i vështirë për t’u kuptuar”. Zëdhënësi i organizatës Christian Lindmeier tha se kishte pasur më shumë se 100 sulme në objektet shëndetësore që nga fillimi i luftës.