Tomi Kallanxhi, ekspert IT thotë se tashmë pjesa më e vështirë me robotët nuk është pastrimi, sepse atë e kryejnë lehtësisht, por shtrimi i çarçafëve. Siç tregoi Kallanxhi ka hotele në Japoni, ku shërbimi bëhet vetëm nga robotë.
“Nuk është pastrimi, është shtrimi i çarçafëve, ajo është pjesa më e vështirë. Në Tokyo është një hotel që shërbehet i gjithi nga robotët. Ti telefonon dhe thua më duhet një sapun, roboti i bie derës, hipën në ashensor, zgjedh katin, të vjen te dera, i bie dhe derës”,-u shpreh Kallanxhi.
Por një punonjës është shtypur për vdekje nga një robot në Korenë e Jugut pasi nuk arriti ta dallonte atë nga kutitë e ushqimit që po trajtonte. Incidenti ndodhi kur punonjësi i një kompanie robotike që kishte krijuar vetë robotin në fjalë, po inspektonte robotin për punën që duhet të bënte si zakonisht.