Ish-kryeministri Sali Berisha, gjatë bashkëbisedimit me anëtarët dhe mbështetësit në qytetin e Durrësit, foli për aksionin opozitar, ku u shpreh se “do t’u tregojnë vendin mazhoritarëve si Skënderbeu pushtuesve”.
“U largova në vitin 2013 jo me ndonjë keqardhje të madhe. Një ndërrim pushteti u bë dhe historia e demokracisë u bë histori e ndërrimit të pushteteve. Ne transformuam infrastrukturën, dyfishuam të ardhurat, kishte mund e djersë por kishte shpresë. Nuk mund të mendoni se do të vinte një ditë ku për ju të votonin Bajrat, Abdyli apo të tjerë. Jo! Do të votojmë vetë. Atyre vrimën e miut do ju kërkojmë. Do t’ju tregojmë vendin si Skenderbeu pushtuesve tanë. Ne jemi shpresa e vetme e Shqipërisë. Ne do të shpëtojmë shqiptarët.”, tha Berisha.