Rreth 300 mijë njerëz kanë marshuar në Londër në mbështetje të Palestinës këtë të shtunë.
Nuk është shënuar ndonjë incident gjatë marshimit, por policia arrestoi mbi 90 persona që u përpoqën të përballeshin me ata që merrnin pjesë në tubim.
“Stop bombardimit të Gazës” dhe “Të arrihet armëpushimi tani”, ishin dy prej thirrjeve që u dëgjuan nga këta qindra mijëra protestues në kryeqytetin e Anglisë.
Diku tjetër në Evropë, mijëra njerëz në Bruksel dhe Paris morën pjesë gjithashtu në demonstratat pro-palestineze të shtunën.