Shkarkimi i Suella Braverman nga posti i sekretares së brendshme të Mbretërisë së Bashkuar, u bë për herë të dytë. Liz Truss i kërkoi të jepte dorëheqjen tetorin e vitit të kaluar pas vetëm disa javësh në atë post. Shkas i zemëratës së shefes së atëhershme të ekzekutivit britanik ishte dërgimi i informacioneve konfidencial te një deputeti nga një adresë e-maili private.
Këtë herë ishin akuzat ndaj policisë se qe treguar shumë e butë ndaj protestuesve pro-palestinezë, ato që i kushtuan më shumë nga sa mund ta kishte menduar. Në një sulm të pazakontë ndaj forcave të rendit javën e kaluar, ministrja qe shprehur se policia e Londrës po injoronte “bandat pro-palestineze” që po shkelnin ligjin dhe i përshkroi protestuesit që bënin thirrje për armëpushim në Gazë si “marshues të urrejtjes”.
Por kjo nuk ishte hera e parë që Braverman kalonte në etiketime të cilat vetëm sa po grumbullonin njëra pas tjetrës pakënaqësitë ndaj saj. Vetëm disa parë, ngjallën indinjatë komentet e ashpra të saj të pastrehëve për të cilët thoshte se e kishin zgjedhur vetë atë stil jetese.
Deklaratat e saj ndaj emigrantëve u kthyen në shqetësim edhe për avokatët, pasi kërcënoi se do të vendoste nën hetim të gjithë ata juristë që angazhoheshin në seanca gjyqësore për të mbrojtur emigrantët.