Një 23-vjeçare braziliane ka humbur jetën në koncertin e fundit të Taylor Swift në Rio de Janeiro.
Lajmin e ka konfirmuar edhe vetë artistja, e cila me anë të një postimi në Instagram, menjëherë pas performancës, ka reaguar e tronditur në lidhje me ngarjen, duke shprehur edhe ngushëllimet për familjen e vajzës.
Rreth 60,000 fansa ishin mbledhur për koncertin e Swift-it. Fansat kishin raportuar kushte të vështira në Estádio Olímpico Nilton Santos, ku u mbajt koncerti. Swift e ndërpreu koncertin për një kohë të shkurtër në mënyrë që t’u jepej ujë fansave dhe më vonë mund të shihej duke u hedhur një shishe me ujë fansave në turmë ndërsa ajo po këndonte. Ata ishin dëgjuar duke brohoritur “ujë, ujë, ujë, ujë”.