Për kaosin në sallën plenare në Kuvend, kryeministri Edi Rama thotë se grupi i Berishës ka prekur fundin, dhe se ka marrë me vete hallin e një të kërkuari nga drejtësia.
”I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur humbje, humbje, humbje.
Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i lëshojë derisa të shkërmoqen e të ridalin copa e çika mbi ujë, si mbeturinat e një anijeje të mbytur”,-shkruan Rama në X.