Këngëtarja e njohur, Rezarta Shkurta, shpeshherë publikon foto apo video të vjetra familjare në rrjetet sociale. Kështu ka bërë edhe ditën e sotme, teksa ka postuar një video të bashkëshortit të saj Ermal Hoxha, kur ka qenë fëmijë.
Në videon e publikuar në “Instastory”, Ermali shfaqet së bashku me gjyshin e tij, Enver Hoxhën. Gjithashtu aty janë edhe disa fëmijë të tjerë, të cilët puthin e përqafojnë Enverin.
“Nga dora e thyer, duket që ke qenë një fëmijë super i urtë”, shkruan Rezarta në video, ku Ermali shfaqet duke puthur gjyshin e tij.
Ndërkohë kujtojmë se pak kohë më parë, këngëtarja publikoi në profilin e saj në “Instagram”, një video ku shfaqet ajo, Ermali dhe vajza e tyre Hera teksa qëndrojnë pranë Nexhmie Hoxhës, të venë e ish-diktatorit.
