WhatsApp po sjell një opsion me anë të të cilit përdoruesit e iPhone mund të lidhin një adresë email me llogarinë e tyre.
Kjo është një alternativë për përdoruesit që mund të kenë probleme të përkohshme me marrjen e kodit 6-shifror përmes mesazhit.
Hyrja në aplikacion përmes numrit nuk do të ndryshojë sepse përditësimi është thjesht një formë shtesë për identifikimin. Kontaktet tuaja nuk do të mund ta shohin adresën e email.
Për ta aktivizuar, mjafton të hyni në Settings/Acount/Email Address. Që opsioni të shfaqet, duhet të keni të instaluar versionin e fundit të WhatsApp.
Aktualisht, opsioni është i disponueshëm vetëm për përdoruesit iOS. WhatsApp planifikon që të gjithë përdoruesit e tjerë, përfshirë ata Android të kenë akses në javët në vijim.