Një grup tifozësh dogjën flamurin serb në qendër të Tiranës, në sheshin Skënderbej të hënën pas ndjeshjes Shqipëri-Ishujt Faore. Mediat serbe kanë shkruar se kjo është një situatë e turpshme. Pas medieve është edhe qeveria e Serbisë që ka reaguar. Teksa flet për një note proteste, qeveria serbe thotë se shteti shqiptar duhet të reagojë dhe t’i dënojë.
Mediat serbe shkruajnë se njoftimin e ministrisë së Jashtme të Serbisë, thuhet se ngjarje të tilla dëmtojnë marrëdhëniet dypalëshe të dy vendeve të cilat sipas ministrisë serbe, kanë arritur në pikën më të lartë gjatë historisë së tyre shekullore.
“Ne besojmë se ngjarje të tilla dëmtojnë marrëdhëniet dypalëshe të dy vendeve, të cilat në vitet e fundit kanë arritur pikën më të lartë gjatë historisë së tyre të përbashkët shekullore”, theksohet në njoftimin e ministrisë.
Ministria e Jashtme thekson se pret që institucionet kompetente të Shqipërisë të bëjnë gjithçka. në kompetencat e tyre për të identifikuar dhe ndjekur penalisht autorët e këtij akti të shëmtuar, të cilat duken qartë në videon e djegies së flamurit të publikuar nga mediat.
Në notën e protestës shprehet pritshmëria që Shqipëria të informojë institucionet e Serbisë për këtë nëpërmjet kanaleve diplomatike brenda një periudhe të arsyeshme kohore.