Mungoi në Samitin e Diasporës në Tiranë, Albin Kurti tregon arsyet

Në Samitin e Diasporës që po mbahet në Tiranë u vu re mungesa e kryeministrit të Kosovës, Albin Kurti. Për të shuar çdo dyshim se kjo mungesë ka ardhur si pasojë e raporteve jo të mira me kryeministri Edi Rama, vetë zyra e shtypit të Kurtit, ka treguar se kreu i qeverisë së Kosovës nuk ka qenë i pranishëm për shkak të agjendës së tij. Në reagimin zyrtar, thuhet se Kurti nuk ka mundur të jetë i pranishëm për shkak të angazhimeve, përfshirë seancën e sotme të Kuvendit të Kosovës ku me kërkesë të opozitës do të raportojë mbi Raportin e Progresit të Komisionit Evropian.