Me qeleshe në kokë dhe simbolin e shqiponjës, kreu i bashkisë së New York-ut uron shqiptarët

Me qeleshe në kokë dhe simbolin e shqiponjës, kreu i Bashkisë së New York-ut, Eric Adams ka uruar të gjithë shqiptarët me rastin e Ditës së Flamurit. Përmes një postimi në median sociale Twitter, Adams shkruan nga ajo që njihet si “Little Albania” (Shqipëria e vogël), në rajonin e Bronx-it, Brooklyn dhe Staten Island se “fqinjët dhe biznesmenët e vegjël, apo sipërmarrësit shqiptarë, punojnë pa lodhje që Nju Jorku të lëvizë”. Adams nuk e ka fshehur asnjëherë simpatinë e tij për komunitetin shqiptar, të vendosur në një prej qyteteve më të mëdha në botë.