Dalin detaje të reja nga dosja e plotë e bandës së drogës që u shkatërrua nga SPAK gjatë operacionit “Dajlok”, i cili lëshoi 11 urdhër-arreste, nga të cilët u arrestuan 4 persona, 6 të tjerë në kërkim dhe 1 në detyrim paraqitje.
Në një episod, flitet në Sky ECC mes Ergys Dashit, Eralbi Breçanit, Ismail Zenelit dhe Besmir Muratit për të orientuar trafikun e kokainës nga Brazili.
Më 25 Dhjetor 2020, në mbrëmje, Ismail Zeneli ka dyshime se Ergys Dashi nuk mund të ketë më lidhje dhe mundësi transportimi të kokainës nga Ekuadori, dyshim që mohohet kategorikisht nga ky i fundit dhe dy pjesëtarët e tjerë të grupit.
Eralbi Breçani: A do bëj noj punë o çuna?
Ergys Dashi: Tre punë menjëherë
Besmir Murtati: Po nisem lekët Brazil, e bën këtë javë punën, e nis…
Ismail Zeneli: Mirë jeni…
Besmir Murtati: Mir daj, duke ngrënë mish të thatë.
Ergys Dashi: Për këtë javë po flasim, por jemi t’u prit një konfirmim të saktë më mir deri nesër nga daja…
Besmir Murtati: Ç’a me bo, okay ta konfirmojë daja. Dhe nëse thu e nis këtë javë. Daja do dhe ne do nisim lekët. Ama duhet me nis…
Eralbi Breçani: Se na ka ra zverdhca…
Ergys Dashi: Po këtu mallin s’ta jep njeri. Të vret malli shumë se kushton.
Ismail Zeneli: Nga Ekuadori u dorëzove apo si është puna?
Eralbi Breçani: Unë lekë s’kam asnjë, i fut Kukësi për mu. Në ECU nuk dorëzohet kollaj dajlok.
Besmir Murtati: Joo…
Ergys Dashi: Jo mer daj si u dorëzokam unë. Unë atje kam bandën time ahaha. Të thashë që po nxjerrin kutiat e kompanisë aty.
Eralbi Breçani: Se në Anvers m’u ka këput shpresa me pa Euro me sy…
Ergys Dashi: Unë në Ekuador e mbaj veten të fortë gjasme. Si me u dorëzu aty….
Kujtojmë se Ergys Dashi u vra në Ekuador në një atentat mafioz më 22 Janar 2022./Klan