“Scan Intel” së fundmi ka analizuar të dhënat që lidhen me largimin e studentëve nga Shqipëria drejt SHBA-së me qëllim studimi. Për këtë analizë janë përpunuar të dhëna nga raporti ‘Opendoors’ referuar vitit aktual, pra vitit 2023.
Numri i studentëve me origjinë shqiptare që kanë nisur rrugëtimin e tyre akademik në një nga universitetet e SHBA-së është 1,087 për vitin akademik 2022-2023.
Konkretisht 145 studentë janë të sapo regjistruar, 640 studentë janë në proces studimi, 269 prej tyre janë diplomuar ndërsa 33 të tjerë ende nuk gëzojnë një diplomë.
Ndërsa gjatë vitit akademik 2022-2023 janë regjistruar 863 studentë nga Serbia, 408 studentë nga Kroacia, 236 studentë nga Bosnje Hercegovina, 209 studentë nga Maqedonia e Veriut, 160 studentë nga Kosova dhe vetëm 132 studentë nga Mali i Zi.
Në një pikëpamje më të gjerë, statistikat tregojnë se 1 milion studentë nga e gjithë bota studiojnë në SHBA
Në listë vendin e parë e gëzon Kina me 289,500 studentë vetëm në vitin 2023, më pas India dhe KoreJa e Jugut.
Nga vendet europiane kryesojnë studentët nga Mbretëria e Bashkuar të cilët në total janë 10,600 studentë.
Studentët shqiptarë që zgjedhin SHBA-në janë në numër më të lartë nga viti në vit.