Akademiku Artan Fuga ka komentuar aksionin e PD-së së Sali Berishës, që ditët e fundit ka paralajmëruar përshkallëzim me mosbindje civile. Fuga shtron pyetjen nëse ‘ka opozita këllqe për këto skenarë me dedektiva’, sic i quan ai. Po ashtu Fuga shkruan edhe se postet e fituara me zgjedhje s’mund të mbahen më shumë se dy mandate.
“Ka këllqe opozita, cilado qoftë ajo, e vërteta, ajo prej gjasme, ajo gjysmegjasme, opozita sipas hallit, opozita pa opozitare, opozita e studiove televizive, opozita grindavece, opozita e miliardereve, opozita e opozitës, etj., t’i leje skenaret me dedektiva dhe te shpalli këtë?
Në Republikën e Shqipërisë te gjitha postet politike në administratë, postet shtetërore të fituara me zgjedhje ose me emërim, publike, ose gjysme publike, mund të mbahen jo më shumë se dy mandate, dhe në raste të caktuara me ligj, vetëm një mandat, pa të drejtë përsëritjeje.
Ka këllqe dhe vullnet? Nëse nuk ka, të n’a lënë të shtyjmë jetën si dimë vetë, rrakazhdraka, të pakten të n’a rrinë veshët rehat”, shkruan Artan Fuga.