Tirana po fiton 1-0 kundër Partizanit në derbin e kryeqytetit që nisi me tetë minuta vonesë për shkak të flakadanëve (19:08) në Air Albania.
Derbi i kryeqytetit u ndal sërish në minutat 32 dhe 34 për shkak se të dyja tifozeritë u bënë protagonsite. Copa stolash dhe sende të forta fluturuan nga tribunat, me Najdovskin e Tiranës dhe Qirkon e Partizanit që mbetën të dëmtuar.
Kryesori Juxhin Xhaja thirri kapitenët për të folur me tifozët dhe duket se ka paralajmëruar një ndërprerje në rast se situata përsëritet. Tirana po fiton 1-0 me gol të Florent Hasanit në minutën e 28-të.