17 marsi i vitit 2024 është caktuar si datë e zgjedhjeve presidenciale që do të mbahen në Rusi. Për herë të parë banorët e rajoneve Donetsk, Luhansk, Zaporizhzhya dhe Kherson të Ukrainës që u aneksuan nga Rusia vitin e kaluar do të marrin pjesë në votim.
Presidenti rus Vlaidmir Putin ende nuk ka shpallur zyrtarisht kandidimin për një mandat të 5 –të, por pritet ta bëjë këtë në ditët në vijim. Sipas ligjit, Putin ka të drejtë të kërkojë edhe dy mandate të tjera 6-vjeçare çka do ta lejojë atë të qëndrojë në pushtet deri në vitin 2036.
Ende është e paqartë se cilët do të jenë kundërshtarët e tij në garën presidenciale, por deri më tani vetëm dy persona kanë shprehur ambiciet e tyre për të drejtuar shtetin me sipërfaqen më të madhe në botë.