Janari mund të jetë merkato kur 29-vjeçari i Kombëtares Elseid Hysaj do të duhet të ndërrojë ambient. Sipas “Corrieredellosport”, problem për një shitje të mundshme mund të bëhet paga e tij e majme prej 2.2 milionë eurosh neto në sezon, me lojtarin që ka kontratë me kryeqytetasit deri në verën e 2025 dhe nuk do pranonte të ndërronte ambient për një pagë më të ulët.
E gjitha vjen në vazhdën e ndryshimeve te Lazio, me “Shqiponjat” që kërkojnë të rifreskojnë mbrojtjen. Me 80 ndeshje të luajtura edhe në Kombëtare, Hysaj është ndër veteranët e Serie A pasi luan prej 11 vitesh në elitën e futbollit në Itali.