As Dita Kombëtare e Rinisë nuk e ka gjetur të bashkuar PD-në, pasi në dy kampe të ndara kanë vijuar me aktivitet. 33 vite pas lëvizjes studentore të Dhjetorit ’90 për të rrëzuar sistemin komunist, e djathta qëndron e ndarë me dy grupime.
Në selinë blu, grupimi i Sali Berishës ka përkujtuar këtë ditë nëpërmjet një ekspozite nga Dhjetori 1990 dhe libra për ngjarjet historike të atij viti. Pjesë e eventit ishin një pjesë e nismëtarëve të protestave të 33 viteve më parë.
Kurse në një nga hotelet e Tiranës, PD-ja e Lulzim Bashës ka organizuar një event që fokusohet në diskutime mes demokratëve, përfshirë çështjen e përçarjes së partisë. As në këtë ditë historike, Partia Demokratike nuk mundi të bëhej bashkë.