Një shqiptare do të shërbejë për herë të parë si gjyqtare në Gjykatën Civile të New York-ut. Edit Shkreli më 8 nëntor, në një ceremoni ku morën pjesë drejtues të gjyqësorit të shtetit të New York-ut, senatorë dhe Ambasadori i Kosovës në SHBA.
Në ceremoninë e zhvilluar sipas protokollit amerikan për gjyqësorin, nuk munguan dhe simbolet shqiptare. Sopranoja Dëshira Krliu këndoi himnin shqiptar, ndërsa në sallë nuk mungon flamuri i Shqipërisë dhe ai i Kosovës.
Edit Shkreli ka përfunduar në vitin 2011 studimet për avokaturë në New York. Prej tetë vitesh ajo ka punuar në sistemin e drejtësisë amerikane. Ndërsa si pjesë e angazhimit akademik ajo është pjesë e stafit pedagogjik në universitetin e drejtësisë në New York.
Veç angazhimit në sistemin e drejtësisë amerikane, Shkeli është aktive dhe në organizatat e komunitetit shqiptar që jeton në SHBA.