Policia në Mallakastër ndaloi një person, i cili ishte shpallur në kërkim për “Plagosje të rëndë me dashje”. Specialistët për Hetimin e Krimeve bënë kapjen dhe ndalimin e shtetasit të shpallur në kërkim:
B.Z, 56 vjeç, banues në Visokë, Mallakastër.
Ndalimi i këtij shtetasi u bë pasi Gjykata e Shkallës së Parë Fier me vendimin e datës 16.11.2018 ka vendosur masën e sigurisë “Arrest në burg” për veprën penale “Plagosje e rëndë me dashje” parashikuar nga neni 88/2 i Kodit Penal.
Shtetasi B.Z, në muajin Mars 2018 për motive të dobëta ka plagosur me thikë bashkëshorten e tij, shtetasen L.Z.