Presidenti ukrainas Volodymyr Zelensky përshëndeti këtë të hënë zgjedhjen e pro-evropianit Donald Tusk si kryeministër i Polonisë dhe i bëri thirrje Varshavës të ruajë “unitetin” me Kievin përballë Rusisë.
“E ardhmja e Ukrainës dhe Polonisë qëndron në unitetin, ndihmën e ndërsjellë dhe bashkëpunimin strategjik për të mposhtur armikun tonë të përbashkët”, tha Zelensky në Platformën X.
Kujtojmë që Varshava është një nga mbështetësit më të rëndësishëm të Kievit në Evropë. Ndërsa, Tusk ka qenë më parë kryeministër i Polonisë midis 2007 dhe 2014, dhe më vonë president i Këshillit Evropian. Kryeministri i ri do të prezantojë kabinetin e tij të martën.