Mosrespektimi i masës së sigurisë të detyrim paraqitjes është në thelb arsyeja pse Prokuroria e Posaçme kërkon një masë më të ashpër ndaj Sali Berishës. SPAK pretendon po ashtu se ka prova të reja.
SPAK i ka dërguar Kuvendit kërkesën e autorizimit për vendosjen e masës së arrestit në shtëpi apo arrestit me burg ndaj kreut të PD-së, lidhur me procedimin penal të privatizimit të ish-kompleksit “Partizani”.
Në dokumentin e firmosur nga dy prokurorët Arben Kraja dhe Enkeleda Millonai, jepet një rezyme e pozitës së Berishës, ndaj të cilit është ngritur akuza e korrupsionit pasiv.
