Policia e Vlorës ka vënë në pranga katër persona të cilët akuzohen disa vjedhje të ndryshme. Sipas policisë katër të arrestuarit i përkasin moshave nga 18-31 vjeç dhe kryenin vjedhje kryesisht përgjatë orëve të natës.
Në datën 4 Maj ata kanë hyrë në Pikën e Bllokimit dhe Ruajtjes së Mjeteve “Triport-Vlorë” duke marrë 3 motoçikleta.
Personat e vënë në pranga janë të dyshuar edhe për kryerjen e 5 vjedhjeve të tjera, të gjitha të ndodhura gjatë orëve të natës, mes tyre vjedhja e një motori, dy targa automjetesh, disa krerë shpezë dhe bagëti të imta.
Në pranga kanë rënë:
-E.H., 31 vjeç, banues në Vlorë.
-V.I., 19 vjeç, banues në Vlorë.
-A.N., 29 vjeç, banues në Vlorë.
-I.L., 18 vjeç, banues në Vlorë.