Në Serbi po mbahen zgjedhjet e jashtëzakonshme parlamentare, lokale e krahinore.
Gazetari Xhemajl Rexha është shprehur se rreth 100 mijë serbë që jetojnë në Kosovë kanë udhëtuar drejt Serbisë për të marrë pjesë në zgjedhje.
Në një intervistë për Euronews Albania, ai theksoi se është hera e tretë që në Kosovë nuk lejohen zgjedhjet.
“Sipas disa shifrave, numri i atyre serbëve që jetojnë në Kosovë dhe që kanë të drejtë vote mund të shkojnë deri në 100 mijë. Është hera e tretë që nuk lejohen zgjedhjet e Serbisë në Kosovë dhe një numër i konsiderueshëm, kanë shkuar për të votuar. Në Kosovë jeton një numër i madh i shqiptarëve të Luginës së Preshevës dhe ata janë organizuar”-tha ai.