Këtë të hënë Këshilli i Mandateve do të mblidhet në orën 12:00 në Kryesinë e Kuvendit, kjo për të marrë në shqyrtim kërkesën e SPAK, që kërkon dhënien e autorizimit për arrestimin e Sali Berishës. Vetë ky i fundit ende nuk e ka qartësuar nëse do të jetë para Lindita Nikollës dhe 4 socialistëve të tjerë, anëtarë të Këshillit të Mandateve për të bërë mbrojtjen e tij, apo nëse do të dërgojë një mbrojtës ligjor.
Në pikëpyetje, është edhe prezenca e anëtarëve të opozitës në Këshillin e Mandateve, pasi 4 nga 5 prej tyre, Gazment Bardhi, Greta Bardeli, Ervin Salianji dhe Saimir Korreshi janë pjesë e aksionit të nisur prej disa muajsh në parlament, e mund të jetë pikërisht ky argument, që mund të përdoret prej tyre për të mos marrë pjesë në mbledhje.
Lexo edhe :
Related Posts
Paralel me këtë zhvillim, para kryesisë së Kuvendit, Rithemelimi ka thirrur protestë, të cilën Sali Berisha vetë refuzon ta quajë thirrje në mbrojtje të tij. Protesta do vazhdojë të enjten, kur do të votohet në seancë plenare dhënia e autorizimit për arrestimin e ish-kryeministrit, nëse socialistët nuk do të nxitojnë të thërrasin një seancë të posaçme më parë.