Oerd Bylykbashi, nga protesta që u mbajt para Kryesisë së Kuevndit, u shpreh se Parlamenti është kthyer në legalizimi të antikushtetutshmërisë së Ramës, me synimin për të goditur opozitën.
“Kjo që po ndodh sot në këtë godinë është turpi që kurrë nuk ishte menduar. Rama mendon se i vetmi bastion që i ka mbetur për të thyer pasi ka vënë në thundër drejtësisë, është opozita dhe duhet goditur opozita te kreu i saj, te Sali Berisha i cili nuk është vetëm kryetar i saj po lider i opozitës. Me këtë goditje mendon që thuhet opozita, por kjo nuk ka shans të ndodhë. Sot kuvendi mund të kthehet në zyrë legalizimi të antikushtetutshmërisë së Ramës. Detyra jonë është ta vëmë përpara Ramën që të kthehet liria e demokracia dhe fëmijët tanë të mos ikin”.
Lexo edhe :
Related Posts
Nga ana tjetër, ai akuzoi kryeministrin Edi Rama se e ka kthyer parlamentin në shtupë për të fshirë tryezën me thërrimet e korrupsionit. “Në këto 10 vjet u zhbënë të gjitha ata që demokratët e socialistët e ndershëm me zor erdhën tek ai moment kur pushteti ndërrohet me votë. Vrau parlamentin. Parlamenti sot është një shtupë për të fshirë tryezën me thërrimet e korrupsionit, se llokmat e mëdha i merr kryeministri. Sjell ligje për të miratuar afera korruptive. Mos guxojë prokuroria se ka miratuar me ligj Rama”.