Gazetari investigativ Artan Hoxha në një studio televizive ka dhënë të tjera detaje për vrasjen e Arben Lleshit nga Sokol Mjaçaj në burgun e Peqinit. Ai ka treguar sagën e vrasjeve në fisin Lleshi.
“Klevis Lleshi ishte djali i xhaxhait, është një nga ato ngjarjet që nuk hyjnë tek përplasjet, por njëra palë është ndjerë aq e fyer, aq e indinjuar, sa ka vendosur t’i shkojë në fund. Artan Lleshit nuk i është gjetur as kufoma, babai i Arben Lleshit ka vdekur shumë kohë më parë dhe këtë e kanë rritur xhaxhallarët. Kishte 5 vjet që nuk shkonte njeri ta takonte, të gjithë fatkeqësitë erdhën prej çfarë bëri në Londër”, tha Hoxha.
Lexo edhe :
Related Posts
I pyetur nëse u mbyll saga e vrasjeve me ekzekutimin e Arben Lleshit, Artan Hoxha shprehet: “Është edhe një pjesëtar tjetër Afrim Lleshi që është përpjekur të bëjë alibinë e Arben Lleshit, Agim Hoxha ishte bashkë me të, ai është larguar nga burgu, por nuk ka adresë. Kjo histori duhet të shërbejë, duhet të analizohet deri në detaje dhe sistemi i burgjeve ka nevojë për një ndërhyrje, duhet bërë tani. Ata janë kriminelë ordinerë, janë shumë barbarë, Mjaçaj është një njeri i rekrutuar nga një tjetër. Apeli është që SPAK po sjell të dënuar të nivelit të lartë që vijnë nga krimi i organizuar, ata do të jenë kërcënim serioz. Kemi sot burgjet, pa u bërë amnistia, që janë të mbushur. Një i burgosur i përjetshëm i ka humbur të gjitha shpresat, çdo fije shprese duan t’i shfrytëzojnë”.