Kryetari i Partisë Bindja Demokratike, Astrit Patozi me tone të ashpra ka sulmuar sot kundërshtarët politik që sipas tij tentuan të bëjnë pis këtë forcë të re të sapo krijuar.
Patozi në reagim e tij shkruan se ndjen neveri ndaj atye që tentojnë të bëjnë gjueti shtrigash, madje akuzuan se falsifikime të firmave të Bindjes Demokratike.
“Përçmim dhe neveri për te gjithë ata, që u përpoqën pa sukses për të bërë pis vullnetin tuaj, duke shpikur një gjueti të pashembullt shtrigash me akuza të fabrikuara dhe me falsifikime në çdo cep të Shqipërisë. Edhe vrasësit apo trafikantët e drogës nuk janë përndjekur në këtë vend ashtu si ju këto ditë, dhe kjo e bën më të mjerë pozitën e atyre që e urdhëruan këtë poshtërsi morale, politike dhe njerëzore”, shtoi kreu i Bindjes Demokratike.
Astrit Patozi shprehet se do e tregojnë zgjedhjet e 30 qershorit që do të tronditen ata të cilët i ai quan “gardianët e sistemit të kalbur politik”.
“Ne do të tregojmë, qysh në këto zgjedhje, se nuk ishte aspak rastësi, që ju u përgjigjët aq shpejt për t’i dhënë jetë një projekti të pastër politik për Shqipërinë, i cili i ka tronditur kaq fort gardianët e sistemit të kalbur, që ende janë duke kërkuar qenin e ngordhur tek fletët e firmave tuaja të hedhura me gjithë zemër nga e gjithë Shqipëria”, thekson ai.