Tre ditë para se GJKKO të vendosë për masën e sigurisë, Sali Berisha në hetim për aferën e privatizimit të ish kompleksit Partizani ka thirrur këshillin kombëtar të Rithemelit.
Në fjalimin e tij duket që i është dorëzuar fatit: “Tani duan dhe të burgosin Sali Berishën, por e vërteta është se për të bërë këtë nuk kanë asnjë provë, asnjë fakt dhe nuk do kenë kurrë….
Unë jam Sali Berisha, me fuqinë e të vërtetës nuk mposhtem kurrë. Pikërisht se nuk kanë prova, ky arrestim mund të realizohej vetëm nga një zinxhir shkeljesh ligjore, aktesh antikushtetuese, nga të gjitha institucionet që dolën zbuluar se marrin urdhër politik.
Gazment Bardhi dhe deputetët e grupit të tij nuk morën pjesë ndonëse në mbledhjen e kryesisë së 21 dhjetorit Berisha I ftoi të bëhen pjesë e riorganizimit të Rithemelimit.
I braktisur nga militantët, të cilët sa herë që thërret protesta, janë gjithnjë e më të paktë vendos të ndryshojë strategji e të ftojë gratë ti qëndrojnë në krah në aksionin e tij.
Media ka zbardhur pjesë të diskutimeve prapa dyerve të mbyllura që po mbahen në selinë e Rithemelimit
“Duhen angazhuar të rinjtë. Duhet ti motivoni ata politikisht. Ky do ishte një ndër sukseset tona më të mëdha. Gratë për shkak të emigracionit janë sot shumicë numerike dhe cilësore. Të ftojmë zonjat të bëhen pjesë e betejës sonë. Ju garantoj se ne e rrëzojmë narkodiktaturën . Veprimet e Ramës dëshmojnë se ai ka frikë se rrëzohet nga pushteti. Por ne duhet të marrim kthesën, nuk mjafton vetëm denoncimi” mësohet të ketë thënë Berisha në mbledhjen me dyer të mbyllura.