Një nga banorët, banesa e së cilës u përfshi nga flakët në Lushnjë pas zjarrit që ra në qendrën treftare ”Metropol”, tha se zjarrfikësja nuk kishte ujë. Më tej ajo tha se tani nuk dinë se çfarë bëhet me shtëpitë e tyre.
”Zjarrfikësja e Lushnjës që i raftë plasja nuk kishin ujë dhe prisnin ato të Fierit. Ishim në banesë. Kemi dalë nëpër shkallë. Çuni ka nxjerrë pleqtë në kurriz. Nëpër shkallë morëm çupën nusen. E kaluam natën te çuni i madh as nuk e dimë se çfarë do të bëhet. Asnjë gjë nuk kishte aty, as sistem alarmi asgjë. Shtëpia nuk jam kam idenë si është”,- tha banorja.
Lexo edhe :
Related Posts
Qendra tregtare në Lushnje u përfshi nga flakët pasditen e Krishtlindjeve. Situata u bë e vështirë për shkak se katet e sipërme të godinës janë shtëpi banimi. Fillimisht flakët janë vënë re në katin e tretë të godinës dhe u përhapën me shpejtësi, duke e bërë të vështirë ndërhyrjen e policisë dhe forcave zjarrfikëse.
Pas ndërhyrjes së policisë, forcave Shqiponja e veçanërisht të forcave speciale RENEA, është bërë i mundur kontrolli derë më derë i banorëve, e fatmirësisht gjetja dhe evakuimi i 39 qytetarëve të asfiksuar, jashtë rrezikut për jetën.